Nú er Snorrabúð stekkur og Dana mín horfin af Íslandi. Hún fór til London í gær að læra Music&Media Management í London Metropolitan og mun eflaust standa sig eins og hetja enda tónlistin stór hluti af hennar lífi.
Ég hlakka til að gera hringt í hana ódýrt jafnvel frítt og slúðrað bara í nokkurra klukkustunda fjarlægð; ætla að kíkja til hennar núna í október og hún kemur til mín í nóvember. Mikið verður gaman!

Það var einmitt kveðjupartý hjá henni um helgina og myndir komnar inn. Ég fékk glerbrot í ennið og stórt klór og rifna skyrtu en það var ótrúlega gaman og takk fyrir mig bara. Fórum á KáBé og 11 og dönsuðum og töluðum og drukkum og komum ekki heim fyrr en um seint og síðarmeir. Svona á þetta að vera!

Ég djamma ekki meir á Íslandi en fer út eldsnemma á laugardagsmorgun, nánar tiltekið klukkan 8 um morgun. Lendi klukkan 12 og verð komin til Nottingham um 6 þar sem ungur myndarlegur maður ætlar að bíða mín. Ætlum út að borða og mig langar í keilu! en ætli við sjáum ekki til; verður bara gott að hitta elskuna mína aftur eftir alltof langa fjarveru. Svo er það Spánn á fimmtudaginn eftir viku áður en alvaran tekur við; nám, dans, gym og leikur. Ætla að læra þetta árið held ég. 

Ég er orðin eins og semi-kúkur eftir þónokkra ljósatíma. Ætla aftur á morgun og svo vikuhlé fyrir Spán - sá er nefnilega gallinn við mig að ég tek lit hratt en missi hann jafnóðum og er alltaf eins og næpa þegar ég kem heim um jól eða páska. Svo njótið þess að þurfa ekki að horfa í gegnum mig.

Var einmitt að klára Diviners eftir Margaret Laurence. Kanadísk bók og þar sem Kanada hefur aldrei átt athygli mína lærði ég margt nýtt - m.a um kanadíska indjána og fyrirlitninguna á "half-breeds", maté, hálf-franskir-hálf-indjánar. Áhugavert mjög og góð skáldsaga um ástir og ævi kanadískrar stelpu/konu.

Svo er það American Thought and Culture og var einmitt að lesa um púrítanismann og ofurkristnina sem einkenndi fyrstu hvítu íbúa Bandaríkjanna. Áhugavert að pæla hvernig þeir notuðu kristnina til samheldni á þessari löngu og erfiðu bátsleið - og svo margtmargt fleira. En þetta er gaman.

Á eftir að byrja á History of Crime and Punishment in the U.S en eins og nafnið gefur til kynna verða mín fyrrum heimkynni í Texas mikið í umræðunni.

Og talandi um Texas þá fór hann Ike kallinn heldur illa með vini mína þarna fyrir sunnan. 







Myndir í boði Ryans en eins og flestir vita býr hann þarna ásamt fleiri vinum mínum. Baytown er komið undir vatn núna og húsin hjá þónokkrum ónýt Bærinn stendur tómur og fólki er ekki óhætt að fara heim aftur; auk þess er Houston rafmagnslaus og ekki til bensín í 100 mílna radíus um borgina. Ótrúlega sorglegt.

En ég lét það ekki stoppa mig á djamminu:

Ógeðslegafyndiðsko.



Það fer mér ekki vel að hugsa.

Já og btw ég er komin með axlasítt hár og topp. Haha.

Gæti verið síðasta bloggið mitt fyrir útlönd svo njótið vel; kyss, knús, koss og faðm. Xx

Ég ætlaði að hóta því að hætta að blogga nema fólk kommentaði. Svo sá ég að ég hef fengið 40 flettingar í dag og geri þess vegna ráð fyrir tvennu:

1) Fólk bíður spennt eftir nýju bloggi
2) Fólk er of feimið við að kommenta undir nafni.

Og ég vil ekki nafnlaus komment; forvitnin drap köttinn eins og þið vitið mörg. Kannski ætti ég að gera eins og Sindri og blogga um hápólitísk málefni en það virðist alltaf falla í grýttan jarðveg. Svo slúðrið heldur bara áfram.

Nú erum við skötuhjúin búin að panta okkur ferð til Spánar þann 25. sept og verðum í viku. Næs. Verðum á Blanes í Costa Brava, í Katalóníu, svo margt að sjá og held að dagsferð til Barca sé ekki útilokuð verði veðrið eitthvað leiðinlegt. Annars verða það kokteilar og sundlaugabakkar; kannski sjóskíði og köfun; hver veit. Mest bara tjill eftir erfitt sumar sem hefur togað í hjartastrengina allharkalega.

Fer aftur út núna á laugardaginn eftir viku og það verður gaman. Ætla að hefja kvöldið með góðum mat og víni og svo halda heim í nýja húsið mitt í ogguponsuherbergið mitt. Ég verð samt ekki með koju eins og fyrirrennari minn; heldur var mér smíðað nýtt rúm. Þabbaranaumast.

Á föstudaginn er kveðjupartý hjá Dönu og ekkert þema. Sem er ágætt því ég er búin að ákveða í hverju ég ætla og kannski erfitt að samhæfa átfittið hverju sem er. Svona gerist þegar maður djammar ekki í tvær vikur; djammfötin hlaðast upp og spara manni mikið stress á lokadeginum. Mæli með þessu - og kannski hjálpar verslunarferð til Glasgow líka.

Ég les Ást er.. á hverjum degi núna vegna persónulegra ástæðna en teiknimynd sú er umvafin kvörtunarbréfum frá reiðu fólki á degi hverjum. Kannski hálf írónískt að heyra kvartað yfir háu verðlagi og auglýst eftir týndum páfagauk undir fyrirsögninni Ást er .. Dásamleg en ég elska Velvakanda þrátt fyrir það. Alveg yndislegt yfir hverju hægt er að kvarta nú á dögum og nú er það nýjasta verðlag á Spáni. Svosem skiljanlegt í þessari evruumræðu allri en ég held að munurinn sé sá að á Spáni var mjög ódýrt og hækkaði með Evru. Evran er sterkari en krónan og ég mundi ekki telja að það sama mundi gerast .. en hver veit. Svo vil ég ekkert evruna. Fokk hagfræði; ég er íhaldsöm og mín helsta eftirsjá í lífinu er að geyma ekki hundraðkallaseðil sem barn til minningar um einfaldari tíma.

Híhíhí:


Já svona er hægt að gera skemmtilegt með klassík. Ég gerði mjög skemmtilegt með Ást er líka. Kannski Grettir verði næstur.

Uppáhaldsteiknimyndin mín er án nokkurs efa Kalvin og Hobbes. Mikið hrikalega er litli strákurinn fyndinn. Akkúrat núna var hann að búa til eftirmyndir af sjálfum sér, móður sinni og skólastjóra til mikilla vandræða, en svo var honum alltaf kennt um svo hann breytti þeim í orma. Klassík. 



Já lesendur Velvakanda ættu kannski að taka þetta til sín og kvarta duglega. Ég t.d þoli ekki Ferdinand. Hann er karlremba sem má reyna við allt og alla; lúmskulega (og orðlaust) beitir konu sína klækjum og sýnir henni óvirðingu en í lok syrpunnar er hann svo agalega fyndinn og sniðugur. Sama get ég sagt um helv. litlu dýrin í Fréttablaðinu. Þoli þau einfaldlega ekki en les samt og læt pirra mig. Undarleg hún mannskepnan.

Ég óska Íslendingum góðs gengis í kvöld, gegn Skotum, og mikið óskaplega lífga þeir og þeirra þjóðlegu pils upp á miðbæinn.

Blessbless. Xx

Í dag blogga ég í nýjum fötum og með bros á vör. Ég kom heim frá Glasgow aðfaranótt mánudags eftir þónokkra seinkun með fulla ferðatösku og skó í handfarangri. Mikið óskaplega er ódýrt þarna. Fyrir utan auðvitað kostabúðirnar H&M og Primark er Glasgow bara greinilega borgin sem á að fara til vilji maður bjór&versl. Köben auðvitað rándýr svo maður minnist ekki á London. Kannski Berlín komist á lista en ég hef ekki komið þangað svo hunsa þá borg pent.

Það var samt meiri þrautagangan að koma sér heim; vá. Fyrst förum við alla leið inn vegabréfaeftirlit og áttum okkur á því að þar er bara einn veitingastaður, Boots og svo fríhöfn auk spilakassasals. Eftir að hafa borðað hambó á þessum pöbb/veitingastað (lélegri útgáfa af Wetherspoon's) fórum við Hrabba að gambla og þá kemur í ljós klukkutíma seinkun á vélinni. Jæja, það er nú alltílagi, við spilum nokkrum pundum þangað til. Svo líður og bíður og við hendum okkur fram í biðsal við gate-ið og bíðum og bíðum en ekkert opnast. Loksins er okkur hleypt upp í vél og þar tekur við enn lengri bið og þegar við lendum hlökkum við allar til að setjast upp í bíl og bruna heim undir sæng.
En það er nú ekki einleikið þar sem Securitas bóngaurarnir höfðu afhent okkur bílinn okkar rafmagnslausan. Þvílíkt! Og við biðum eftir starti í örugglega korter, hálftíma, og mikið óskaplega var þreytan mikil.

En annars alveg yndisleg ferð með mikið af enskum pulsum og beikoni, kínverskum og hálfri pizzu, bjór og fötum. Og 2 kílóum sem komu sér fyrir á aftanverðum mjöðmum. Þess vegna er megrunin byrjuð, þ.e kvöldsnakkinu hætt. Gengur bara vel, komst í gegnum heilan dag í það minnsta

Ég held að helgin verði í rólegra móti. Hrabba er að fara í brúðkaup svo ég leik kannski við lítinn strák. Og talandi um litla stráka þá fórum við smáfjölskyldan á róló í gær og lilli datt á ennið og nebban og hruflaði sig allan í framan og fékk stóra kúlu. Elsku besti grét þó meira þegar frænka ætlaði að fá sopa af toppnum "hans" svo allt við sama heygarðshornið þar, hehe. Dana er að fara austur, Alda í réttir og Túttur í bústað en ég held ég endi bara heima þrátt fyrir allt.

Lee er í endurtektarprófinu sínu as we speak. Vonandi nær hann því sem þarf til að halda áfram því annars verður lífið mitt á hvolfi; bókstaflega. Meika ekki meiri fjarveru! En ég hef trú á stráknum að vanda enda margt til í heilahvolfinu hans.

Að hann sé í Nottingham núna þýðir samt það að þau eru öll þarna saman. Nema ég. Í nýja húsinu okkar. OG ÉG SAKNA ÞEIRRA! Hreimurinn hans Stuarts og hamingjan hans Neills og hlátursköstin okkar Arwen og kysserí með Lee. Þau bíða vonandi spennt eftir mér því ég er orðin spennt að komast þetta.

Annars var Ryan elskan mín að senda mér Myspace comment. Vinur hans fór til New York og þar var íslenskur kór að syngja sem er svosem ekki í frásögur færandi nema að gaurinn spyr eina þeirra hvort hún þekki mig og hún segir nei - en að hún þekki eina sem þekkir mig! Hversu lítið land er þetta, og heimur, að vinur vinar míns frá Texas geti ekki farið til New York án þess að hitta einhvern sem er vinkona einhvers sem þekkir mig - sannar þetta ekki bara six degrees of seperation! Ótrúlegt

Annars ætla ég að segja þetta gott og reyna að seðja það sárásta með mandarínunni minni. Og ég bara VERÐ að enda á þessari mynd:



Já svona yrði hún Dana mín nú með afró. Hahahahaha

Bless krúttlur, njótið september XxXx

Þó það sé rigning úti er sólskin í mínu hjarta. Það er líka rigning í Glasgow en verða regnbogar í hjartanu mínu á morgun þegar ég lendi þar; tilbúin í góðan nætursvefn - maður verður nú að vera hress ef maður ætlar að tækla góða verslunarferð. Ég og Hrabba erum líka ofurspenntar enda er ekkert í okkar troðfulla fataherbergi sem hægt er að ganga í. Samt ekki hægt að henda þessu - ég skil þetta ekki!

Ég ætla að kaupa mér ballerínuskó og hælaskó - nokkur pör. Bikiní fyrir sólina okkar Lee's og buxur því mínar eru allar terrible. Íþróttabuxur og leggings, kjóla, bæði fína og hversdags. Boli og pils. Það verður allt endurnýjað og kannski líður manni betur með að henda gömlum tuskum ef maður veit að maður kemst í eitthvað nýtt og fallegt eftirá!

Síðasta helgi var fín. Ætlaði að vera edrú á föstudeginum, fór svo í partý á föstudeginum og var eitthvað ekki að fíla mig og fór heim. Held að föstudagsdjömmin geri sig illa hjá mér lengur; er alltaf svo þreytt og næ aldrei að endurnæra mig enda eini tíminn sem ég fæ að sofa út er óþunn á laugardagsmorgnun - og það getur verið erfitt þegar lítll strákur vill fara í boltaleik við hurðina mína Hehe.

Á laugardeginum var afmæli hjá Elínu Á. og við mættum bara eiginlega allar tútturnar. Það var mjög gaman og við sungum afmælissönginn uppfullar af helíumi (ég skrifaði fyrst heróíni! Jesús.) og átum köku. Svo var það Apótekið og Dana og Arna komu þangað og bara mjög gott kvöld, takk fyrir stelpur mínar. Endurtökum þetta vonandi sem fyrst; nær engri átt annað!

Arna er að flytja út á morgun og það var kökuboð hjá henni í gær. Mikið er hún myndarleg stelpan, Dana getur átt von á ljúffengum tertum og gúmmelaði á hverjum degi held ég. Það kom alveg nettur fiðringur í okkur þegar við fórum heim - 3 vikur fyrir Dönu, 3 og hálf fyrir mig. Ég er komin með nóg af vinnu og rúmar 3 eftir; það er orðið dimmt og kalt og mig langar í nýja húsið mitt með gamla kærastanum mínum og labba í skólann og fara í ræktina og kannski læra. Held það sé kominn tími til.

Nú er ekki mikill tími eftir samt. Verð í Glasgow þessa helgi; svo ein helgi óráðin; svo síðasta helgin. Þetta líður og líður en ég held við fögnum bara.



Ég og Dana ógeðslegakúl.



Elsku túttur!



NAMMINAMM.

Veriði nú ljúf og góð í haustinu. Þið vitið að það er að koma september! SEPTEMBER! Það þýðir haust og það þýðir kuldi og það þýðir úlpa. En það þýðir líka lærdóm og kúr og Ally McBeal. Það þýðir endalok Big Brother - held að Lisa mín hverfi frá á föstudaginn - en byrjun góðs vetrarsjónvarps. Nýjar haustmyndir og gömul download. Teppi og kakóbolli á meðan rigningin hellir sér yfir okkur og kannski einn eða tveir kossar í rigningunni.

Hlakkiði ekki bara til?

Til hamingju með þennan FRÁBÆRA árángur! Við spilum um gullið á sunnudagsmorgun! Allir saman nú ÁFRAM ÍSLAND!!!!!!!!!!!!!!



ÞIÐ GETIÐ ÞETTA STRÁKAR!

Ég þori að veðja að fólk kíkir bara á síðuna mína á miðvikudögum. Þá er alltaf eitthvað ferskt að segja frá.

Núna er það helst í fréttum að Íris er farin með fullt af skóm til Danmerkur í háskólanám og kannski einn bjór. Hún fór á mánudaginn og skólinn byrjar núna eftir viku hjá henni, óska henni alls hins besta! Þetta þýðir að í dag fer ég út eftir mánuð og sama hjá Dönu nema 5 dögum styttra.

Síðásta föstudag ætluðum við Íris að fá okkur nokkra bjóra, kíkja í bæinn örstutt og snemma heim. Snemma heim fórum við en það var ekki fyrr en eftir 1 metra af bjór sem mín vann á English. Og þessi metri er hvorki meira né minna en 10 litlir bjórar og því var kvöldið endað með langloku með skinku og pítusósu og American Dad.

Ég varð dáldið þunn á laugardaginn en það var ekkert sem McDonalds lagaði ekki. Svo fór ég til Öldu í kveðjudjamm Írisar áður en við Dana skelltum okkur á GusGus. Það var bara lala, ekki alveg beint tónleika stemmning, meira eins og skólaball, en við redduðum þessu, fórum á 11 og dönsuðum 90's og alveg æðislega gaman.

Ég held ég verði edrú einn dag þessa helgi, svo Menningarnótt með MH-túttum, því svo er Glasgow helgina eftir og ég verð að eiga efni á fötum og þesskyns. Helgin eftir það verður eitthvað spes, og svo er það lokadjamm, áður en England tekur við. Úff, ég er orðin spennt, ætla að byrja á því að sleikja sólina einhversstaðar, læra, vera í dansi og rækt, o.s.fr o.s.fr.

Á föstudaginn er aftur kosið út í Big Brother og hún Lisa mín er ein af þeim sem íbúar hússins kusu til þess að verða kosna út. Það er húmer tvö-ið mitt, Sara, líka, en sem betur fer fylgir þeim WAG-ið, dramadrottningin, og leiðindatíkin hún Nicole, svo ég óska þess innilega að hún verði kosin. Einhver sem er staddur í Bretlandi kjósa Nicole út takk.

En nú ætla ég að vorkenna sjálfri mér yfir að fara ekki í mat fyrr en hálf 2 og skila bara kveðju. Kannski leiðinlegt blogg en þúst, kominn tími til .. á þetta vikulega ..

Í dag er miðvikudagur sem þýðir að sjálfsögðu að lifrin hlakkar til helgarinnar. Kannski ástæða til - er að fara á GusGus á laugardaginn og ætli það verði ekki að sopa smá af stút fyrir þann viðburðinn.

Um síðustu helgi var Gay Pride. Ég og Dana kíktum galvaskar í bæinn í sól og blíðu og fylgdumst með atriðum á eftir atriðum á eftir atriðum við mikla gleði. Las samt grein í einhverju blaðinu sem mér fannst mjög eiga rétt á sér - á hverju Gay Pride eru atriðin hreint út sagt stórkostleg; litrík og skemmtileg; hávær og hress. Og beggja vegna göngunnar standa áhorfendur, oftar en ekki með krosslagða handleggi og fýlusvip. Komon! Það er ekki fyrr en Páll Óskar rekur lestina sem eitthvað lífgar við enda ótrúlegur maður vægast sagt. Kannski þarf að breyta uppsetningu göngunnar en held að áhorfendur verði fyrst og fremst aaaðeins að taka meiri þátt - ég tek þetta líka til mín svona by the by.

Nú styttist í haustið og Íris hefur búferlaflutninganna núna á mánudaginn. Dana fylgir eftir tæpum mánuði síðar og ég rek svo lestina þann 20. sept. Kominn smá fiðringur í hjartað yfir að fara, orðið rosalega langt síðan ég hitti þau flest nema Lee, sem ég er svo auðvitað spenntust fyrir að hitta aftur. Svo verðum við Dana loksins í sama landi í heilt ár; ekki gerst í rúm 3 ár frá því ég fór fyrst að skoða ranchið hjá Bush og alvöru kúreka í BNA. Verður alveg yndislegt

Svo leita ég hér með til allra fótboltanörda. Ég er að "taka þátt í" Fantasy Football Premier League, þar sem ég vel einhverja góða kalla og bý til mitt eigið lið úr þeim góðu köllum sem spila í ensku meistaradeildinni og fæ svo stig eftir því hvað þeir skora mörg mörk eða verja mörg eða hvað og hvað. Dabbi tók sig til og joinaði deildina sem ég og Lee berjumst við hvort annað í og Neill er þar líka ásamt einhverjum vinum Lee's svo fólk sér að samkeppnin er gríðarleg - og ég eina stelpan. Svo fékk ég að heyra í gær að Fabregas er meiddur!! Og því fer liðið mitt algjörlega á hvolf og ég veit ekki hvað skal gera. Ætli ég velji ekki einhvern ódýrari þangað til að hann nær sér? Eða hvað gera bændur!? HJÁLP!

Big Brother heldur áfram og þó augun fylgist ekki með af jafn miklum krafti þá á ég mér mitt uppáhald. Hún lítur út eins og hún hafi verið maður í fyrra lífi, er fertug og í brjáluðu formi og með tattúveraðan eyeliner. Hún hefur hitt grænar geimverur sem stálu tjaldinu hennar og borðaði einu sinni tuttugu pylsur á mettíma, auk þess sem hún byrjaði í spretthlaupi 18 mánaða. Maðurinn hennar er frá Manchester en þykist vera ítalskur og kallar sig Mario og er því miður búið að kjósa hann út. Já, hún heitir Lisa Appleton og er alveg snarklikk en gáfuð og fyndin og veit vel hvað syngur og ég ætla að styðja hana þó svo að hún sé ekki í uppáhaldi hjá öllum.

Á föstudaginn hverfur einn í viðbót og valið stendur á milli hennar ofurljúfu og góðu Rachel sem drap næstum gullfiskinn þeirra með því að gefa honum of mikið að borða (ég held hún hafi tekið hann uppúr til að reyna að knúsa hann) og vöðvabúntsins Stuart sem er líkt og Lisa með tattúveraðan eye-liner og undarlegt skegg, en hann er dáldið sætur. Held hann fari samt pottþétt því enginn mun hafa það í sér að kjósa út yndið hana Rachel sem er í öðru sæti á uppáhaldslistanum mínum.

Í þriðja sæti hjá mér er albínóinn svarti hann Darnell. Hélt aldrei mér gæti þótt albínói sætur en það er eitthvað við hann. Hann er uppfullur af visku og biturð reyndar en les fólk ótrúlega vel og svo er hann söngvari. Ahhh Fjórða er beibið Sara sem lítur út eins og Angelina Jolie og er þvílíkt flört, held að allar stelpur ættu að fá lánað laufblað úr bókinni hennar.

Sú sem ég gjörsamlega þoli ekki er helv. smákökuskrímslið Kat frá Tælandi. Hún kom inn öskrandi "COOKIE POWER" og hefur ekki þagað síðan, grætur við minnsta mótlæti og er greinilega að gera úr sér vörumerki. Allir sem fylgja henni ekki "brjóta á henni hjartað" og þannig fær hún vini sína til að vorkenna sér og kjósa "óvini" hennar til útkosningar. Hún er lygin og svikin og gerir mig brjálaða. 


Uppáhaldið mitt hún Lisa



Angelina Jolie hvað!



Ókei .. kannski ekki sætur .. en þegar þið kynnist honum ..



Ítalski folinn frá Manchester (hann heitir í alvöru Shaun)



Og svo helvítis smákökuskrímslið. Sjáiði ekki á henni hvað hún er pirrandi!!

Annars hef ég ekki mikið annað að segja. Í vinnunni eins og vanalega og get sem betur fer unnið til 18. sept. Hef þá einn dag í undirbúning áður en ég fer en held það sé alveg nóg; orðin vel vön, enda kemst þetta fljótt upp í vana.

Joe, besti vinur pabba, er hjá okkur núna í heimsókn og voða gott að hitta hann. Sá er þó gallinn á gjöf Njarðar að þarmeð missi ég herbergið mitt og gisti uppí hjá mömmu. Sem er svosem í lagi ef það þýddi ekki að ég þyrfti að vakna kl 7 í stað 8 við útvarpsvekjarann hennar. En svona er gestrisnin; held ég hafi bara gott af því að verða morgunhani. Allavega í tvo morgna enn!

Jæja, eigum við ekki skiljast með brosi og kossi:
 

Væmnin í fyrrúmi að vanda! Og kramið nef.

Kannski hittumst við um helgina. Ég verð í það minnsta djammandi allavega eitt kvöldið. Nenniði að hringja í mig!

(Og kommenta takktakkogbless)

Jæja, nú er þessi merka helgi Verslunarmanna un garð gengin og ýmislegt gaman gert.

Fjörið hófst á fimmtudaginn þegar ég og Dana - alveg ofurstressaðar og spenntar - fórum uppá flugvöll að sækja ótrúlega tanaðan Lee og vodkann hans. Svo var keyrt heim og hann hitti mömmu og litla og borðaði kvöldmat og svo fórum við á Hressó og þá byrjaði fjörið Byrjuðum ég og Lee, Dana, Dabbi og Steinunn en fljótt fjölgaði þegar Íris og Alda og María og Arna og frænka Örnu mættu og drykkjuleikir og danserí tók við. Rosagaman sko.

Vöknuðum svo eldsnemma á föstudeginum og fórum Gullna Hringinn. Lee var yfir sig hrifinn þá sérstaklega af Kerinu og Strokki en Geysir er ennþá/aftur útdauður greyið. Gullfoss var mikilfenglegur að vanda og Þingvellir alltaf jafn fallegir. Fórum síðan út að borða og enduðum í partýi hjá Maríu áður en við kíktum í bæinn.

Á laugardeginum var alveg æði. Við byrjuðum á því að fara í bæinn og rölta um; tylltum okkur við Sólfarann og höfðum það notalegt í sólskininu. Komum síðan heim og hentumst strax uppí Hvalfjörð í útilegu. Það var algjört æði; hef sjaldan séð Lee jafn fullann enda eyðilagði hann eitt stk. buxur og olnobgann á sér. Átum grillmat og djúsíheit og fullt af snakki og drukkum bjór.

Á sunnudeginum komum við heim uppúr hádegi því Dana og Arna voru að fara til Eyja. Fékk æðislegt símtal frá Dönu í miðjum Brekkusöng og það þarf bara að líta á myndirnar til að sjá hvað það var gaman hjá þeim Ætli maður bregði sér með á næsta ári? A.m.k pottþétt ef ég kem heim næsta sumar

Á meðan þær drifu sig með Herjólfi sýndi ég Lee Bláa Lónið og hann var auðvitað hrifinn; fannst samt búið að gera það heldur tilgerðarlegt og ónáttúrulegt sem er nú svosem rétt; allt gert til að græða. Fengum okkur pulsu númer 2 (bestar í heimi) og fórum í gufu og settum á okkur facemask. Bara kósý. Fórum síðan heim og reyndum að losa af okkur slenið áður en við fórum til Maríu í smá kósýpartý með henni og Dagbjörtu og Öldu. Það kvöld var alveg rosalega gaman og vorum í bænum til um hálf 7, eftir ótal skot, Hlölla og leigubílaröð.

Mánudagurinn var bestur held ég; uppá svona kósýheit og rómantík; sváfum út og kíktum í bæinn; tylltum okkur við Höfnina hjá veiðimönnum og svo aftur hjá Sólfaranum okkar; röltum um Hafnarstrætið og fengum okkur hvítvín og góðan mat á Caruso. Fórum síðan á Sólon í einn bjór áður en við hentumst heim í rómantískar kveðjumyndir og kysserí.

Svo þurfti sætileeus (hahaha ég bara þurfti) að fara og núna kúri ég bara við sjálfa mig sem er svosem ágætt bara enda þarf þess bara í einnoghálfan í viðbót

Var svo veik (örugglega bara ofþreytt eða e-d) þriðjudag og miðvikudag með hita og hálsbólgu og beinverki en leiddist svo að ákvað að skella mér í vinnuna í dag og sé ekki eftir því. Gay Pride um helgina og eflaust hristir maður einhverja anga þá og svo Glasgow eftir 3 vikur. Versl, versl, veitir ekki af, á ekki bót fyrir boruna á mér.

Annars getiði hér séð helstu ævintýri helgarinnar:

Æi netið er ógeðslega hægt. Ég set inn myndir eftir mat. Les þetta örugglega enginn fyrr en þá hvorteðer. 






Nammnammnammnamm









Gullfoss í baksýn



Knús á Geysi



Omnomnomn

Jæja þetta er svona kannski það heitasta. Njótið vel!

Í dag er miðvikudagur. Mér sýnist á öllu að miðvikudagar verði bloggdagar. Þá fer loksins að birta til. Og í dag er sko bjart og skínandi sól en alas - í dag fer ég seint í mat og húki því hérna þangað til ég ætla niður á Austurvöll með Diet Kók og bók og kannski eins og eina&eina frænku. Ef hún kemst.

Helgin sem er við það að renna upp er um margt merkileg. Í fyrsta lagi er þetta fyrsta helgin í ágúst og hún mun ekki koma aftur fyrr en eftir heilt ár. Í öðru lagi þekkist sú helgi sem Fríhelgi Verslunarmanna a.k.a Verslunarmannahelgin a.k.a Eyrún ætlar að djamma fjóra daga í röð. Í þriðja lagi ætla ég að djamma fjóra daga í röð og í fjórða lagi ætla ég að djamma fjóra daga í röð í hlýju fangi Lee's.

Já, elsku kallinn er að yfirgefa sólskinsríka London fyrir rigningarspá á Íslandi og hann lendir á morgun. Ég og Dana ætlum að fjölmenna uppá Leifsstöð og taka á móti stráksa á Öldubíl. Takk fyrir lánið 'skan. Mikið verður þetta gaman Og eru ekki allir til í djamm svo!?

Nú fara að renna upp kosningar í Bandaríkjunum og etur Barack kappi við John. Ég hef ákveðið að styðja Obama þrátt fyrir að hafa í upphafi stutt Hillary; málstaðurinn er mikilvægari manneskjunni hef ég nú alltaf sagt. Reyndar er hann ósköp hverfull kallinn, en hann er þó a.m.k undir sjötugu og með ágætis hugsjónir svona inná milli þess sem hann lofar áframhaldandi stuðningi við Ísrael og virðist ekki alveg viss hvað hann ætli að gera við Írak. En vonandi vinnur hann, það er nú rétt að nú er tími breytinga.

Nú ætla ég í mat. Ég vona að þið skemmtið ykkur í sólskininu og gleðinni. Kannski sjáumst við um helgina með bjór og hvítvín og eins og einn vodkadreitil.

Á meðan biðja þessi örugglega að heilsa. 



Kisukossogknús.

Bloggblogg. Bloggbloggblogg, svo ég vitni í áramótaskaupið. Ég hlakka til næsta skaups. Það verða pottþétt 15 brandarar um ísbirni og svona 4 um Ramses. Höfundar bíða eflaust spenntir eftir næsta hneykslismáli.

Gúrkutíð sumarsins liggur oft þungt á fólki og veldur jafnvel ritstíflu. En ekki hjá mér, ég blogga eiginlega bara á sumrin (og þegar ég á að læra). Held að sólin og hitinn og tilhlökkunin eftir veðri næsta dags ýti undir skáldagyðju mína og blási í hana nýju lífi.

Ég kíkti upp í bústað fjölskyldu Írisar um helgina með stelpunum og við spiluðum og sötruðum smá bjór. Ég fíla Partý&co. nema ég bara kann ekki að teikna. Eða leika reyndar. Og fattaði ekki að spurt var um Þorstein Pálsson. Við unnum samt.

Svo á laugardaginn ætluðum við á tónleika og fórum reyndar en stoppuðum frekar stutt. Svo tók við ýmiskonar rölt um miðbæinn - fór meiraðsegja á Ölstofuna sem ekki hefur notið mín áður. Var fínt ef ég hefði ekki verið svona full og þurft að hreyfa mig eitthvað til að augun héldust opin. Svo var það 7 9 13 og Kaffibarinn og ég skemmti mér ógeðslega vel en fór reyndar heim fyrir 5 útaf fótverkjum og labbaði niður Laugaveginn á táslunum. Söss.

Svo ætlum við Dana á Mamma Mía á föstudaginn, fer örugglega aftur með móður minni og móður hennar (og systur minni) í næstu viku svo. Algjör mæðgnamynd. Systir Lee's er í útlöndum svo hann þarf að fara með mömmu sinni. Hehe.

Annars hef ég ekki mikið að segja. Mig vantar nýjan síma en ætla að kaupa mér úti; svo ódýrt þar. Mig vantar ný föt en ætla að kaupa mér í Glasgow. Mig vantar ný sólgleraugu því skrúfan úr mínum nýju flottu er týnd Og svo bráðvantar mig Lee en hann fer nú að týnast hingað hvað á hverju. Held mig vanti ekkert fleira en skal láta ykkur vita.

Svo er það TívoLee í kvöld. (Ég geri þetta við allt núna í spenningi mínum. Dæmi: "You did this wonderfullee; it's amazinglee pretty here; You gave me a butterflee" en fiðrildið sem ég fékk í póstinum var blandað saman við kettlingin sem ég fékk í febrúar og úr varð Butterflee. Mér fannst það fyndið.) Held að ein umferð í bollunum sé ágætis afþreying svona í sumarsólinni og rigningunni; verst hvað það er langt frá mannabyggðum.

Segjum þetta gott. Mig langar svo að fleiri kommenti. Þarf eiginlega að grátbiðja bara í hverri færslu! 


Hlæhlæhlæ



Eitthvað var rætt um hjónasvip þarna, ég veit ekki??

Miðvikudagar eru held ég bloggdagar. Nóg búið að gerast og nóg til að hlakka til.
Veriði bjartsýn og jákvæð því þá gengur allt svo vel snúllurnar mínar. Blessbless.

 

Halló kúkalabbar sem kommenta ekki. Dana fær sérstakan plús í þessari viku fyrir langt og gott komment alla leið frá Kanarí. Þið hin getið bara .. skammast ykkar.

Nú er Dana komin heim og því geri ég ráð fyrir því að líf mitt falli brátt í fyrri skorður eftir upplausn síðustu daga. Neinei ég spjaraði mig alveg.

Nú er sólin svo hátt á lofti að sálin mín engist um að þurfa að sitja hérna niðri í vesældinni og eymingjaskapnum. Orðin það löt að sjaldnast nenni ég að fara að sofa á kvöldin; þá er nú mikið sagt. Svo nýt ég reyndar svo rómantískra msn-samtala fram á rauða nótt, enda prísa ég mig sæla fyrir tækni nútímans, hversu mikið sem hún ruglar í mér kollvikin.

Um helgina hittust túttur góðar og átu góðan mat áður en haldið var í Kristóafmæli og drukkinn góður bjór. Svo fór ég eiginlega bara heim eftir stutt stopp á English. Kannski ekki nógu enskur fyrir minn smekk; eða bara föstudagsdjamm ekki að gera sig hjá mér. Either way þá hvíldist ég ekkert um helgina; pæla að taka bara annan daginn það sem eftir er .. jánei djók, ég gæti aldrei staðið við það. Er bara lúin því það er miðvikudagur, þá er svo mikið búið en svo langt eftir. *Geisp*.

Nú eru 15 dagar í kátan kall. Ég fékk gjöf frá honum í pósti. Nema tollurinn ákvað að hleypa ekki gjöfinni í gegn ef hún skyldi vera tollskyld. Ég skal segja ykkur að það er hún ekki, bara smáræði sem góðan strák langaði að gefa góðri stelpu. Mikið finnst mér þetta leiðinlegt - en þetta grær vonandi áður en hann kemur. (Svo svarar tollurinn ekkert e-mailinu mínu. Pæla að hringja á morgun eða föstudaginn.)

Þá er stóra spurningin hvað ætlið ÞIÐ að gera um Versló? Vera svona:


Eða bara svona:


Held að ekkert nema ölvunarástand komi í það minnsta til greina.

Njótið vel, Dabba vantar póstinn sinn. XxXxX

Ég var beðin um að skrifa fleiri blogg og hafa það í léttari dúrnum svo ætli maður hlýði ekki. Enda getur lífið verið svo leikandi létt, þó það sé það kannski ekki núna.

Nei, því núna er ég með harðsperrur í hverjum vöðva eftir hreyfingu dag eftir dag .. mikið óskaplega er gaman að dansa. Var búin að gleyma því í allri letinni sem ég bjó við úti. En ég tók mig til og e-mailaði stelpuna sem sér um DanceSoc og nú verður hellt sér útí þetta enn á ný .. vonandi.

Ég ákvað að djamma um helgina. Það gekk ekki alveg eins og skildi og eftir drykkju útí garði meikaði ég ekki bæinn - gerði þó heiðarlega tilraun en þurfti að snúa við á miðri leið. Obb. Bæti það upp um helgina með MH-túttumat og svo afmæli hjá Kristó hennar Sillu. Þá verður sko dansað, ha, stelpur

Ef ykkur langar í ódýrar pakkaferðir eitthvað þá mæli ég með www.icelolly.com. Svaka ódýrt, og svo svona líka íslenskt nafn, ha. Verst að það er ekki flogið frá Íslandi en maður gerir sem þarf að gera. Costa Brava virðist einmitt heilla mig og Lee rosalega - þó Grikkland/Kýpur hljómi kannski betur þá verður nú líka að passa budduna, sérstaklega í ljósi þess að við vorum að panta ferð til Glasgow, við mæðgurnar 4. Þar ætla ég sko eitthvað að versla, höfum bata 3 daga og 3 nætur svo eins gott að nýta tímann vel. 



Önnur af þessum flissandi er núna á Kanarí að baða sig í sól og bjór. Góða skemmtun elskan Þér veitir eflaust ekki af svona kúl sólgleraugum.

PS. Fer út 20. sept og kem heim 15. des. Vill einhver vera memm fram í sept? Allir að fara frá mér ..

 

Ég skal segja ykkur það að aukin tíðni blogga kemur skáldagáfum mínum ekkert við. Það er bara ekkert að gera hérna og mér leiðist.

Ég er búin að lesa áhugaverða ritgerð eftir Max Weber, "The Protestant Ethic and the Spirit of Capitalism". Þetta er í Amrískamenningardótinu sem ég byrja í haust og fjallar um af hverju Mótmælendur eru þeir ríkustu og mestu kapítalistarnir. Svo þurfti ég að heimfæra þetta uppá Amríkuna og komst að þeirri niðurstöðu að það væri vegna þess að þar er aðskilnaður ríkis og kirkju, svo fólk er ekki neitt til þess að ganga í kirkju, heldur velur það það sjálft .. og safnaðarmeðlimir ráða hver fær að vera memm og þessar litlu deildir innan kirknanna virka sem einhversskonar stoðpallur, enda virðing sem fylgir virtum deildum o.s.fr.
Svo verður auðvitað að líta til Guðhræðslunnar, t.d Kalvínistar sem trúðu því að þeirra örlög hefðu verið ráðin fyrir 10.000 árum þegar guð tók sig til og skapaði himinnogjörðogalltþaríkring og hvort þau færu til himna eða heljar væri ákveðið þá. Nú, hvað gera bændur þá, til þess að finnast líf sitt hafa tilgang þá vinna þau. Og vinna, og leggja fyrir, og vinna. Svo er margt fleira en þetta er ágætis lesning.

Núna er ég að lesa Rights of Man eftir hinn breska fátækling Paine, revolúsíonarí með meiru sá maður. Læt ykkur vita.

Nú er staðan víst orðin sú að ég djamma um helgina Sjálfstjórnin kannski ekki meiri en ég er svo óskaplega sybbin eitthvað undanfarna daga að hvítvín&bjór hljómar ekkert svo spennandi. Ætli það breytist ekki eftir góðan nætursvefn í nótt, hver veit.

Svo er reyndar eitt dáldið spennandi að gerast í kvöld. Nú er verið að kasta út enn einum úr Big Brother húsinu og valið stendur á milli dramadrottningarinnart og prinsessunnar Jen og svo hinum fjallmyndarlega rauðhærða kokks Rex. Engin spurning hver fer eftir "Spitgate" en þið vitið hvorteðer ekkert um þessa þætti svo ég skal breyta umræðuefninu.

Það er spáð svo góðu veðri um helgina pant fara í sund. Er einhver með? Þynnkusund og svo pulsa og kók eða Makki eða Vitaborgari jafnvel, já hann hefur ekki notið okkar þetta sumarið er það.

Muniði eftir Bólu. "Hittumst heil en ekki hálf!" Miklu skemmtilegra en Skoppa og Skrítla og annað sem ungum börnum er boðið uppá í dag ... já þegar ég var ung voru aðrir tímar ...

Hérna er ellismellurinn með yngismeynni Dönu og bestu vinum sínum bjórunum:



Og svo eftir minna en 4 vikur kemur þessi fjallmyndarlegi maður til Íslands:



Oh, ég var búin að gleyma hvað hann er sexí. Orð að sönnu.

Hagiði ykkur nú vel, og lifið sem blóm í eggjum.

Ástin að eilífu með kossum og knúsum og rósum,

Eyrnamergur Hannesson.

PS. Ég er að pæla að fá mér kannski nýtt blogg. Ögmundur orðinn þreyttur. Hvað finnst ykkur?

Já ég er svo dugleg að blogga að ég ætti að krefjast listamannsstyrk fyrir það, eins og bloggararnir í Svíþjóð um daginn. Allt er nú til, að fá borgað fyrir að hafa skoðun .. þó mér þætti það bara gaman.

Ég er í vinnunni, sem er svosem ekki í frásögur færandi enda vinn ég reglulega 5 daga vikunnar hinn týpíska 8 klst vinnudag og líkar bara vel. Það sem merkilegra er að í dag fer ég ekki beint heim eftir vinnu, heldur ætla ég að hreyfa mig. Held að það hafi ekki gerst í óralangan tíma ef frá eru taldir snúningar með bjór í annarri og rassaspik í hinni. Engar áhyggjur, bossinn mun ennþá hristast sómasamlega á öldurhúsum Reykjavíkur, enda ágætis lag yfir vöðvunum sem ég ætla að fá mér.

Um helgina fór ég á undurgóða tónleika í kuldanum og það var ósköplega gaman. Hef aldrei séð Björk live áður sjáiði til, og auðvitað stóð hún sig eins og hetja enda ekki við öðru að búast af svona stórstjörnu. Svo héldum við í meira bús og ég eyddi síðustu hundraðköllunum í eitthvað skot sem engin þörf var á. Oseisei, svona blekkir maður sjálfan sig þegar ölið tekur völd. Og það átti öll völdin þessa helgina.

Svo er hún María Frænka að flytja á morgun og ó ef það verður ekki eitthvað djús með stelpunni þá helgina, enda kostuleg frænka þar á ferð. Sé fyrir mér að Baldursgatan fái sér nýtt húsnæði og sumrinu sé bara reddað í skemmtilegheitum. Svo ætlum við stelpurnar í bústað hvað á hverju - miðað við hvað það var gaman í fyrrasumar held ég við verðum ekki fyrir vonbrigðum. a.m.k ef að veðrið er gott.

Annars vildi ég bara segja hæ. Já svona var staðan um helgina:



Hafiði það nú gott elskurnar.

Já núna er Dana búin að vera svo dugleg að blogga ég gat bara ekki á mér setið og ákvað að falla í hópinn. Annars er hún komin með nýtt blogg, www.danalina.blogspot.com. Njótið vel.

Ég ætla að djamma um helgina. Eftir gott og mikið trúnó við lifrina mína sagði hún mér að henni leiddist bara - koffín og annað ógeð heldur bara ekki 21 árs ofur-aktívri lifur uppteknri. Og því ætla ég að tilla mér niðrí Laugardal, hlusta á ljúfa tóna með ódýru hvítvíni og bjór, og eiga góða stund með lifrinni góðu.

Ég er að byrja að hreyfa mig núna á mánudaginn. Já, ég lofa. Danspúl í JSB í 4 vikur, 3svar í viku. Viljiði pæla í sixpakknum sem ég mun fá ... eða ekki. Langar samt að vera fitt þegar Lee kemur svo maður tekur vonandi af sér eins og eittogeitt kíló.

Þið þekkið öll leikarann Liam Neeson geri ég ráð fyrir. Ég fékk þá snilldarhugmynd (og ótrúlega fyndnu) að ef ég og Lee eignumst strák verður hann Leeson, að íslenskum sið. Og bara Leeson, nei, Niam Leeson. (Niam Leeson/Liam Neeson ... ha hahaha haha).
Held ég ætti ekki að leggja uppistand fyrir mig.

Annars hlakka ég til að byrja aftur í skólanum. Langar samt ekkert mikið út strax, líður svo vel hérna heima með stelpunum mínum og ís og sól og sumaryl. Vil Lee og hann er að koma svo ég er góð. Tók bara út einhverjar bækur til þess að kynna mér Ameríska menningu og hugsunarhátt áður en sá áfangi tekur við .. ásamt Kanadískum husunarhætti en enginn bókalisti til um þann kúrs enn svo Tommi þú segir mér allt frá a-ö.

Jæja, ég nenni ekki að hafa þetta lengra. Plís, kommentiði. Annars fer ég í verkfall. 

Passið ykkur bara. Ást. Xx.